Monday, March 16, 2009

Prezantohet projekti për doganën e Muriqanit

Dogana e re do të kushtojë 1.3 milionë euro e do lejojë kalimin e mallrave mes Shqipërisë e Malit te zi

Merkure, 26 Shtator 2007 12:08:00
Dogana e re do të kushtojë 1.3 milionë euro e do lejojë kalimin e mallrave mes Shqipërisë e Malit të Zi

Shkodër- Pikëkalimi kufitar i Muriqanit në rrethin e Shkodrës do të ketë pikë doganore, duke lejuar kështu dhe transportin e mallrave në dy anët e kufirit shqiptaro-malazez. Lajmin e ka bërë të ditur dje në Shkodër, drejtori i përgjithshëm i doganave shqiptare, Përparim Dervishi. Së bashku me përfaqësues të institucioneve të tjera Dervishi ka zhvilluar një takim në zyrën e kryetarit të këshillit të qarkut Shkodër, Gjovalin Kolombi, në prani dhe të prefektit Maxhid Cungu. Ai ka bërë prezent vendimin për ngritjen e doganës në pikëkalimin kufitar të Muriqanit, e cila do të forcojë lidhjet e bashkëpunimin mes dy vendeve fqinjë, Shqipërisë dhe Malit të Zi, si dhe do t'i krijojë mundësi biznesit për transport mallrash përmes këtij pikëkalimi. "Pas diskutimeve me grupet e interesit është bërë projekti, dizenjimi, është përcaktuar modeli, siguruar financimi dhe bërë tenderi përkatës për ndërtimin e kësaj dogane që do jetë moderne",- tha Dervishi, duke theksuar se në bashkëpunim me vendorët do të marrin zgjidhje disa probleme, si shpronësimet apo lejet e ndërtimit.

Xhulia Gros, përfaqësuese e delegacionit të Bashkimit Evropian , ka theksuar se ky projekt me një vlerë 1.3 milionë euro është projekt pilot dhe merr një rëndësi të veçantë për faktin se dogana që do ngrihet në Muriqan do të jetë e para doganë e përbashkët në të gjithë Gadishullin e Ballkanit. Pikëkalimi kufitar i Muriqan- Sukobinës është hapur më 28 maj 2002 dhe funksionon vetëm për kalim njerëzish në dy anët e tij. Ai ka qenë i dyti pikëkalim kufitar që lidh Shqipërinë me Malin e Zi, pas atij të Hanit të Hotit, ndërsa më pas u hapën dhe dy pikëkalime kufitare, iVermoshit, i cili përdoret pak për shkak të pozicionit gjeografik dhe u shërben kryesisht banorëve të kësaj zone malore dhe i Urës së Bunës, i cili është liqenor dhe nuk ka funksionuar asnjë ditë që nga hapja e tij më 18 qershor 2006.

Muriqani, pike kufitare turistike dhe "tregtare"
e Hene me 16 Mars 2006

Edhe pse eshte nje pike e re per kalimin kufitar krahasuar me simotrat e saj, ajo perseri vleresohet si nje nder me te rendesishmet ne lidhjen mes Shqiperise dhe Malit te Zi. Muriqani, tashme eshte shnderruar ne nje nga pikat kufitare se ciles i duhet te perballoje fluksin me te madh te njerezve.Deri ne vitin 2002, si tregtia ashtu edhe turizmi i shqiptareve ne Malin e Zi, mundesohej vetem nga pika kufitare e Hanit te Hotit. Per te stimuluar turizmin, qeveria e vendit tone ne bashkepunim me ate malazeze, vendosen hapjen e nje pike tjeter kufitare qe do te ishte ajo ne Muriqan te Shkodres.

E nese kufiri i Hanit te Hotit sherben edhe si pike doganore per kalime te ndersjellta tregtare, pika tjeter kufitare midis vendit tone dhe Malit te Zi, e vendosur ne Muriqan, nuk mund te sherbeje si pike doganore, pasi ka funksion vetem turistik. Vlera maksimale e nje malli qe mund te kaloje nga njeri shtet te tjetri nepermjet kesaj pike, eshte vetem 100 euro dhe ky mall duhet te jete domosdoshmerisht per perdorim personal.

Tregtia
Pika kufitare e Muriqanit eshte e vendosur ne nje pozicion te tille gjeografik, qe mundeson lehtesisht kontakte te cfaredoshme midis dy shteteve. Per ta shkurtuar rrugen automobilistike, si dhe per t'iu shmangur taksave doganore, shume tregtare shkodrane, si dhe malazeze, kryesisht ulqinake, i drejtohen kesaj pike kufitare. Mallrat qe kalojne ne kete pike drejt Malit te Zi jane me teper te profilit bujqesor. Ne te shumten e rasteve, transporti i prodhimeve bujqesore behet me autovetura ose furgone te vegjel. Pikerisht ketu lind edhe mundesia e kufitareve tane dhe te shtetit fqinj per abuzime, sepse pika kufitare e Muriqanit eshte e zhveshur nga kompetencat per te funksionuar si dogane. Mali i Zi eshte nje vend malor bregdetar, dhe si i tille zoteron nje klime te pershtatshme per kultivimin e agrumeve.

My Blog List

Powered By Blogger

Followers